RABİTƏ VƏ İNFORMASİYA TEXNOLOGİYALARI NAZİRİ TÜRKİYƏNİN AZƏRBAYCANDAKI SƏFİRİ İLƏ GÖRÜŞMÜŞDÜR
Rabitə və informasiya texnologiyaları naziri Əli Abbasov Türkiyənin Azərbaycana yeni təyin olunmuş səfiri Hulusi Kılıç ilə görüşmüşdür.
Nazirlikdən AZƏRTAC-a bildirmişlər ki, Hulusi Kılıç regionda informasiya-kommunikasiya texnologiyaları sahəsində əlaqələndirici ölkəyə çevrilmiş Azərbaycanın Avropa, Türkiyə, Qafqaz, Orta Asiya ölkələri arasında fövqəladə mövqeyi olduğunu xüsusilə qeyd etmişdir. Səfir bildirmişdir ki, Azərbaycanın təşəbbüsü ilə 20-yə yaxın ölkəni əhatə edə biləcək transmilli fiber-optik kabel magistralının çəkilməsi həyata keçirilərsə, regionda informasiya qıtlığı aradan qaldırılacaqdır. O, bu təşəbbüsün Türkiyə tərəfindən dəstəkləndiyini və layihənin reallaşması üçün regionun digər ölkələri ilə danışıqlar aparılacağını söyləmişdir.
Bölmənin digər xəbərləri
