Rəcəb Tayyib Ərdoğan Serbiyaya səfər edib
Belqrad, 11 oktyabr, AZƏRTAC
Türkiyə Prezidenti Rəcəb Tayyib Ərdoğan Serbiyaya səfərə gəlib.
AZƏRTAC xəbər verir ki, Belqradın Nikola Tesla adına Beynəlxalq Hava Limanında Rəcəb Tayyib Ərdoğanı Serbiya Prezidenti Aleksandar Vuçiç qarşılayıb.
İki günlük səfər çərçivəsində Türkiyə Prezidentinin rəsmi qarşılanma mərasimi keçiriləcək, təkbətək və geniş tərkibdə görüşlər olacaq.
Həmçinin Serbiya ilə Türkiyə arasında əməkdaşlıq üzrə Ali Şuranın dördüncü iclası keçiriləcək, sazişlər imzalanacaq, hər iki prezidentin iştirakı ilə biznes forum təşkil olunacaq.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
