REGİONAL MƏSƏLƏLƏR DAİMİ KOMİSSİYASI BƏLƏDİYYƏLƏRİN BÜDCƏSİNİN ARTIRILMASINI TƏKLİF EDİR
AZƏRTAC xəbər verir ki, iclasda 2005-ci ilin dövlət büdcəsi haqqında qanun layihəsi müzakirə olunmuşdur. Layihə ilə bağlı komissiyanın sədr müavini Şaitdin Əliyev məlumat vermişdir. O demişdir ki, 2005-ci ilin dövlət büdcəsinin gəlirləri 9422000,0 milyon manat, xərcləri isə 10001000,0 milyon manat nəzərdə tutulmuşdur. Bu da onu göstərir ki, hökumət büdcənin gəlir və xərclər hissəsini təxminən iki dəfə artırmaqla əhalinin sosial-iqtisadi vəziyyətini yaxşılaşdırmaq istəyir.
Müzakirələr zamanı komissiya sədri Zahid Qaralov, deputatlardan Tahir Rzayev, Fəzail İbrahimli, Asif İmaməliyev və başqaları çıxış edərək 2005-ci ilin dövlət büdcəsindən bələdiyyələr üçün ayrılmış 10 milyard manat dotasiyanın az olduğunu, turizmin inkişafına yetərincə diqqət yetirilmədiyini vurğulamışlar. Qeyd olunmuşdur ki, bələdiyyələrin iş fəaliyyətini artırmaq, onların problemlərinin həllini asanlaşdırmaq üçün bir sıra vergilər, o cümlədən hüquqi şəxslərin əmlak və torpaq vergilərinin yerli (bələdiyyə) büdcələrə köçürülməsinin məqsədəuyğun olduğunu qeyd etmişlər.
Sonda təkliflərin ümumiləşdirilərək hökumətə təqdim olunması, layihənin isə Milli Məclisin müzakirəsinə çıxarılması haqqında qərar qəbul edilmişdir.
Bölmənin digər xəbərləri
