REJİSSOR STANİSLAV QOVORUXİN “KÖHNƏ QVARDİYA”YA ÜSTÜNLÜK VERİR
AZƏRTAC xəbər verir ki, iyunun 3-də “Azərbaycan” kinoteatrında “Şərq-Qərb” X Beynəlxalq Bakı kinofestivalı çərçivəsində Rusiya kinorejissoru Stanislav Qovoruxinin 2007-ci ildə “Mosfilm” kinostudiyasında çəkilmiş (ssenari müəllifi Valeri Muxaryamov, operator Valeri Myulqaut) “Artist” filmi nümayiş etdirilmişdir. Filmdə istedadlı, ancaq bəxti gətirməyən artist qadından söhbət açılır. Onun işləri nə teatrda, nə kinoda, nə də şəxsi həyatda düz gətirmir. Qonşu mənzildə isə rəfiqəsi əri ilə yaşayır. Rəfiqəsinin ərinin sinif yoldaşı - məşhur alim, elmlər doktoru, professor onlara qonaq gəlir və filmin baş qəhrəmanına vurulur. Tezliklə aktrisa arzuladığı rolu da alır.
Filmin çəkilişində Stanislav Qovoruxin “köhnə qvardiya”nı yaddan çıxarmamışdır. Filmdə tanınmış teatr və kino aktyorları - Aleksandr Abdulov, Dmitri Pevtsov, Yevgeniya Dobrovolskaya, Mariya Aronova və başqaları çəkilmişlər.
Filmin nümayişindən əvvəl ekran əsərinin prodüseri A.Prosyanov çıxış etmişdir.
######
Bölmənin digər xəbərləri
