RƏŞİD BEHBUDOVUN MEMORİAL BARELYEFİNİN AÇILIŞ MƏRASİMİ OLMUŞDUR
Mədəniyyət və turizm naziri Əbülfəs Qarayev Azərbaycan vokal sənətinin inkişafında, musiqimizin beynəlxalq aləmdə təbliğində müğənninin əvəzsiz xidmətlərindən danışmışdır.
Dekabrın 14-də anadan olduğu gün müğənninin ifasında xalq şairi Səməd Vurğunun sözlərinə bəstələnmiş “Azərbaycan” mahnısının lent yazısının sədaları altında barelyefin üzərindəki örtük götürülmüşdür.
“Günəşli diyarın günəşli müğənnisi” - xalq rəssamı Ömər Eldarov tərəfindən yaradılmış barelyefə baxarkən bu sözləri təsdiq etməmək mümkün deyil.
Xalq artisti Mübariz Tağıyev, görkəmli bəstəkar Firəngiz Əlizadə və başqaları Rəşid Behbudovla bağlı xatirələrini söyləmişlər.
Müğənninin qızı Rəşidə Behbudova və həyat yoldaşı Ceyran xanım Rəşid Behbudovun xatirəsini yad etdiklərinə görə ölkə rəhbərliyinə və tədbir iştirakçılarına minnətdarlıqlarını bildirmişlər.
Müğənninin barelyefinin önünə tər çiçəklər qoyulmuşdur.
Bölmənin digər xəbərləri
