Ruandada sel və daşqınlar nəticəsində azı 110 nəfər ölüb
Bakı, 3 may, AZƏRTAC
Ruandanın şimal-qərb bölgələrində davam edən güclü leysan nəticəsində baş vermiş sel və daşqınlarda azı 110 nəfərin həyatını itirdiyi bildirilir. Bu barədə Ruandanın dövlət informasiya agentliyi məlumat yayıb.
AZƏRTAC “Əl Əhram” qəzetinə istinadla xəbər verir ki, Ruanda rəsmiləri sel və daşqınlardan ölən 96 nəfərin qərb bölgəsindən olduğu barədə məlumat veriblər. Daşqınlar infrastruktur obyektlərini dağıdıb, minlərlə insan evsiz-eşiksiz qalıb. Bundan başqa, torpaq sürüşməsi nəticəsində həmin bölgələrdə yollar da çöküb, nəqliyyatın hərəkəti iflic olub.
Ruandanın fövqəladə halların idarə edilməsi naziri Marie Solange Kaisire bildirib ki, xilasedicilər əhalinin təbii fəlakət zonasından təxliyəsi, cəsədlərin dəfni üzrə fəaliyyət göstərir, eyni zamanda, yardımların çatdırılması üçün avtomobil yollarının bərpası işləri aparılır.
Bölmənin digər xəbərləri
