Rusiya-Gürcüstan sərhədində 120-yə yaxın yük maşını dayanıb
Tbilisi, 2 dekabr, AZƏRTAC
Hava şəraitinin kəskin dəyişməsi, güclü qar yağması, qar uçqunu və yolların buz bağlaması səbəbindən Gürcüstan-Rusiya sərhəd keçid məntəqəsində və əsas magistralda 120-yə yaxın yük maşını dayanıb.
AZƏRTAC xəbər verir ki, avtomobillərin əsasən hansı ölkələrə məxsus olması barədə məlumat verilməsə də, əksəriyyətinin Ermənistana ərzaq daşıyan avtomobillər olduğu söylənilir.
Bildirilir ki, yolda problem təkcə Gürcüstan tərəfində deyil, Rusiya tərəfində də mövcuddur.
Rusiyanın və Gürcüstanın müvafiq strukturları avtomobildə qalan və ehtiyacı olan sürücülərə müvafiq yardımlar göstərirlər.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
