RUSİYA MİQRASİYA SİYASƏTİNİ DƏYİŞƏCƏK
Onun sözlərinə görə, qeyri-leqal miqrantların ölkədən çıxarılması Rusiya büdcəsinə baha başa gəlir. Belə ki, bu prosesə adambaşına 30 min rubl xərclənir. Bu məbləğə nəqliyyat və əcnəbilərin iki ay ərzində xüsusi müəssisələrdə saxlanması xərcləri daxildir.
İl ərzində qeyri-leqal miqrasiyadan ölkəyə 200 milyard rubldan çox ziyan dəydiyini deyən FMX-nin başçısı vurğulamışdır ki, hazırda Rusiya ərazisində təxminən 10 milyon qeyri-leqal miqrant yaşayır və əmək fəaliyyəti ilə məşğul olur. Onun sözlərinə görə, Rusiya qanunvericiliyinə hazırlanan dəyişikliklər sayəsində miqrasiya proseslərinin uçotu və onlara nəzarət qaydaya salınacaqdır. K.Romadanovski bildirmişdir ki, yaxın vaxtlarda “Əcnəbi vətəndaşların vəziyyəti haqqında” və “Miqrasiya uçotu haqqında” qanun layihələrinə dəyişikliklər ediləcəkdir. Bu dəyişikliklər ölkə parlamentinə təqdim olunmuşdur.
