RUSİYADA MOBİL TELEFONLAR VƏ NOUTBUKLAR ÜÇÜN YENİ ENERJİ QURĞUSU YARADILMIŞDIR
AZƏRTAC-ın xüsusi müxbiri xəbər verir ki, Rusiya alimləri mobil telefonlar və noutbuklar üçün dünyada analoqu olmayan akkumulyator yaratmışlar. “Rossiyskaya qazeta” yazır ki, bu enerji qurğusunda XXI əsrin yanacağı sayılan hidrogendən istifadə olunmuşdur.
Yeni qurğu telefonla 30 saat ərzində fasiləsiz danışmağa imkan verir. Müqayisə üçün qeyd edək ki, ən yaxşı əcnəbi akkumulyatorlar cəmi üç saat üçün nəzərdə tutulmuşdur. Hidrogenli qurğu ətraf mühit və insan sağlamlığı üçün təhlükəsizdir və çəkisi cəmi 180 qramdır. Enerjisi tam boşalmış telefon 10-20 dəqiqəyə dola bilər. Qurğunun əsasını katalizatorlu nanoməsaməli membrana təşkil edir.
Dubnadakı “Tenzor” zavodu tezliklə bu akkumulyatorların istehsalına başlayacaqdır.
