Sabah paytaxtda və bir sıra rayonlarda elektrik enerjisinin verilişində fasilələr yaranacaq
Bakı, 24 avqust, AZƏRTAC
Elektrik enerjisinin verilişində keyfiyyət göstəricilərinin artırılması, artan yük tələbatının qarşılanması məqsədilə avqustun 25-də paytaxtda və bəzi rayonlarda elektrik şəbəkələrində təmir işləri aparılacaq.
Bu barədə AZƏRTAC-a “Azərişıq” Açıq Səhmdar Cəmiyyətindən məlumat verilib.
Bildirilib ki, Yasamal Rayon Enerji Təchizatı və Satışı İdarəsinin (RETSİ) ərazisində Transformator Məntəqəsində (TM) təmir işi həyata keçiriləcək. Bununla əlaqədar olaraq saat 10:00-dan saat 13:00-dək Moskva və Mətbuat prospektləri, Mirəli Seyidov, Abdulla Şaiq, Şamil Əzizbəyov, Zərgərpalan, Mustafa Sübhi, Məhəmməd Naxçivani, Fuad İbrahimbəyov küçələrinin bir hissəsində elektrik enerjisinin verilişində məhdudiyyət tətbiq olunacaq.
Nərimanov RETSİ-nə daxil olan Akademik Həsən Əliyev, Xan Şuşinski, Səməd Vurğun, Möhsun Sənani küçələrinin bəzi ərazilərində, eləcə də 1 saylı “ASAN xidmət” və Tibb Universtitetinin Onkoloji Klinikasında saat 09:00-dan 13:00-dək TM-də aparılacaq təmir-təftiş və sınaq işləri ilə əlaqədar enerjinin verilişində fasilə yaranacaq.
Beyləqan Elektrik Şəbəkəsinin (EŞ) xidməti ərazisində 110/35/10 kilovoltluq “Xalac” yarımstasiyasında yenidənqurma işləri icra olunacaq. Planlı fasilə saat 10:00-dan 16:30-dək Bahar, Qəhramanlı, Mil, Milabad, Sarısu, Şərq, Türklər, Yeni Mil qəsəbələrini, həmçinin Aşağı Çəmənli, Aşıqalılar, Birinci Aşıqlı, Birinci Şahsevən, Bünyadlı, Dünyamalılar, Əhmədli, Əlinəzərli, Gödəklər, İkinci Şahsevən, İmamverdili, Qaradağlı, Qaralılar, Yuxarı Çəmənli kəndlərini əhatə edəcək.
Cəlilabad EŞ-yə daxil olan Göytəpə şəhəri, Ağdaş, Alaşar, Fətullaqışlaq, Həziabad, Kazımabad, Komanlı, Maşlıq, Muğan, Oğrubulaq, Privolnoye, Söyüdlü kəndlərinin bir hissəsində 35 kilovoltluq q “Göytəpə” hava xəttində görüləcək təmir işləri ilə əlaqədar saat 12:00-dan 15:00-dək enerjinin verilişi məhdudlaşdırılacaq.
Ağdaş EŞ-nin ərazisində 110/35/10 kilovoltluq “Ləki Dartı” yarımstansiyasında aparılacaq təmir işləri zamanı saat 10:00-dan 14:00-dək Ləki qəsəbəsi, Aşağı Ləki, Cardam, Əmirarx, Əmirmahmud, Güvəkənd, Hapıtlı, Kotanarx, Qarağan Saatlı, Nehrəxəlil, Orta Ləki, Ovçulu, Şəmsabad, Tofiqi, Yenicə, Yuxarı Ləki, kəndlərinin bəzi yerlərində məhdudiyyət yaranacaq.
Tərtərin Evoğlu və İsmayılbəyli kəndlərində saat 10:00-dan 14:00-dək 10 kilovoltluq 7 saylı İsmayılbəyli hava xəttinə toxunan ağacların budanması işləri ilə əlaqədar enerjinin verilişində fasilə olacaq.
Yevlax EŞ-nin xidməti ərazisində 110/35/10 kilovoltluq “Yevlax” yarımstansiyasından çıxan 10 kilovoltluq “TMRZ” hava xəttində təmir işləri həyata keçiriləcək. Bununla əlaqədar saat 10:00-dan 12:00-dək şəhər ərazisində Aydın Məmmədov, Salatın Əsgərova, Dədə Qorqud, Qasım Bəy Zakir, Xəqani Şirvani, Fazil İsayev küçələrinin bəzi hissələrində planlı fasiləyə uyğun olaraq enerjinin verilişi dayandırılacaq. Həmçinin 35 kilovoltluq “Şəhər Xanabad” hava xəttində aparılacaq təmir işləri ilə əlaqədar saat 10-dan 15:00-dək planlı fasilə rayonun Aşağı Bucaq, Ərəbbəsrə, Xaldan, Xanabad, Qaraoğlan, Qəribli, Quşcu, Yuxarı Bucaq kəndləri, eləcə də Meyvəli qəsəbəsini əhatə edəcək.
Bərdə EŞ-yə daxil olan 35 kilovoltluq "Mustafağalı" hava xəttinə toxunan ağacların budanması işləri aparılacaq. Bununla əlaqədar Alpout, Bəcirəvan, Çələbilər, Əliyanlı, Əmirli, Ərəblər, Xanərəb, Xəsili, Qaradəmirçi, Qaradırnaq, Qaratəpə, Qarayusifli, Qazaxlar, Qazıqurdalı, Lənbəran, Mehdili, Məmmədli, Mollalı, Mustafağalı, Nazırlı, Nifçi kəndlərinin bir hissəsində məhdudiyyət tətbiq ediləcək.
Göyçayın Cəyirli, Çayarxı və Kürdəmiş kəndlərinin bəzi ərazilərində saat 10:00-dan 13:00-dək 10 kilovoltluq hava xəttində görüləcək təmir işləri ilə əlaqədar enerjinin verilişi məhdudlaşdırılacaq.
Goranboy EŞ ərazisində 10 kilovoltluq "Qızılhacılı" hava xətti boyunca ağacların budanması işləri icra olunacaq. Beləliklə, saat 09:00-dan 15:00-dək Balakürd kəndi və Qızılhacılı qəsəbəsinin bir hissəsində fasilə yaranacaq.
Görülən işlər yekunlaşdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.
Bölmənin digər xəbərləri
