“ŞAHDƏNİZ” ÜÇÜN HASİLAT VƏ QAZMA PLATFORMASI HAZIRLANIR
Yanacaq və Energetika Nazirliyindən AZƏRTAC-ın müxbirinə bildirmişlər ki, hazırda podratçılar platformanın hissələrini hazırlayırlar. Layihənin hasilat hissəsi üzrə nəzərdə tutulan işlərin (o cümlədən Sinqapurda TPG üçün özül hissələrinin, Norveçdə qazma avadanlığı dəstinin və Səngəçal terminalında quraşdırılacaq avadanlığın istehsalı) 31 faizi yerinə yetirilmişdir.
Yatağın işlənməsinin birinci mərhələsində burada 14 quyu qazılacaq, həmçinin 8,8 milyard kubmetr qaz və 2 milyon ton kondensat hasil ediləcəkdir. Sonrakı mərhələlərdə 800-1000 metr dərinlikdə işləyə bilən TLP və SPAR tipli platformaların quraşdırılması nəzərdə tutulur.
“Şahdəniz”in qaz-kondensat ehtiyatları 3,2 milyard ABŞ dolları məbləğində qiymətləndirilmişdir.
Bölmənin digər xəbərləri
