SAHƏ BAYTARLIQ MƏNTƏQƏLƏRİNİN TİKİNTİSİ QARŞIDAKI İLLƏRDƏ DƏ DAVAM ETDİRİLƏCƏKDİR
Bakı, 29 sentyabr (AZƏRTAC). Müasir tələblərə cavab verən sahə baytarlıq məntəqələri üçün binaların tikintisi qarşıdakı illərdə də davam etdiriləcəkdir.
Kənd təsərrüfatı naziri İsmət Abasov bildirmişdir ki, ötən ildən başlayaraq indiyədək 31 rayonda sahə baytarlıq məntəqəsi tikilmişdir. “Azərbaycan Respublikası regionlarının 2009-2013-cü illərdə sosial-iqtisadi inkişafi Dövlət Proqramı”na uyğun olaraq 2010-cu ildə 296 və sonrakı 3 ildə isə daha 353 sahə baytarlıq məntəqəsinin tikintisi planlaşdırılır. Xüsusilə sərhədyanı bölgələrdə təhlükəli heyvan xəstəliyi olan dabağa qarşı hər il, immun (bufer) zona yaradılmaqla, bu xəstəliyin ölkə ərazisinə keçməsinin qarşısı alınır.
Bölmənin digər xəbərləri
