® Mərkəzi Gömrük Hospitalının transplantoloqu “Tərəqqi” medalı ilə təltif olunub
Prezident İlham Əliyevin imzaladığı “Azərbaycan Respublikasının səhiyyə işçilərinin təltif edilməsi haqqında” Sərəncama əsasən, ölkəmizdə səhiyyə sahəsində uzunmüddətli səmərəli fəaliyyətinə və göstərdiyi xidmətlərə görə Mərkəzi Gömrük Hospitalının Cərrahiyyə və orqan transplantasiyası şöbəsinin transplantoloqu, tibb üzrə fəlsəfə doktoru, Səhiyyə əlaçısı Mircəlal Kazımi Mirkazım oğlu “Tərəqqi” medalı ilə təltif olunub.
Bu ali mükafat Mircəlal Kazıminin Azərbaycan səhiyyəsinin inkişafına verdiyi dəyərli töhfələrin, peşəkarlığının və fədakar əməyinin dövlət səviyyəsində yüksək qiymətləndirilməsinin bariz nümunəsidir.
Mircəlal Kazımini bu yüksək dövlət təltifi münasibətilə ürəkdən təbrik edir, ona möhkəm cansağlığı, yeni uğurlar və gələcək fəaliyyətində böyük nailiyyətlər arzulayırıq.
Bölmənin digər xəbərləri
