Azərbaycanın çimərlik güləşçiləri Dünya Seriyasının III mərhələsində iştirak edəcəklər
Bakı, 18 iyun, AZƏRTAC
İyunun 20-21-də Gürcüstanın Batumi şəhərində çimərlik güləşi üzrə böyüklər arasında Dünya Seriyasının III mərhələsi keçiriləcək.
Güləş Federasiyasından AZƏRTAC-a bildirilib ki, Azərbaycanı qonşu ölkədə Rübail İbrahimli (70 kiloqram), Sahib Dadaşov, Vüsal Əliyev (hər ikisi 80 kiloqram), Əşrəf Aşırov, İlqar Nəzərli (hər ikisi 90 kiloqram) və İslam İlyasov (+90 kiloqram) təmsil edəcəklər.
İlk yarış günündə təsnifat mərhələsinin və qruplarda ilk 2 turun görüşləri keçiriləcək. Növbəti gün isə qrup mərhələsində sonuncu turun görüşləri, yarımfinallar və medallar uğrunda qarşılaşmalar baş tutacaq.
Dünya Seriyasında I-S dərəcəli hakimi Bəşir İsazadə ədaləti qoruyacaq.
Bölmənin digər xəbərləri
