SALYANDA AZƏRBAYCAN XALQ CÜMHURİYYƏTİNİN 90 İLLİYİNƏ HƏSR OLUNMUŞ ELMİ-NƏZƏRİ KONFRANS KEÇİRİLMİŞDİR
AZƏRTAC xəbər verir ki, mayın 27-də Salyan Rayon İcra Hakimiyyətində Azərbaycan Xalq Cümhuriyyətinin 90 illik yubileyi münasibətilə “Müstəqilliyimiz daimidir, dönməzdir və əbədidir” mövzusunda elmi-nəzəri konfrans keçirilmişdir.
Tədbirdə rayon icra hakimiyyətinin başçısı Rasim Bəşirov müsəlman Şərqində ilk demokratik respublikanın tarixi, millətimizin istiqlal fədailəri, ümummilli lider Heydər Əliyevin Azərbaycanın dövlət müstəqilliyinin qurulmasında müstəsna xidmətləri barədə məlumat vermişdir.
Rayon icra hakimiyyəti başçısının birinci müavini Etibar Hüseynov mövzu ilə bağlı məruzə etmiş, Azərbaycan xalqının özünün dövlətçilik ənənələrinə sadiq qaldığını və bu gün dünya birliyinin bərabərhüquqlu üzvü kimi beynəlxalq inteqrasiya proseslərinə fəal qoşulduğunu diqqətə çatdırmışdır.
Çıxış edənlər şanlı mücadilə tariximizin ayrı-ayrı məqamlarını xatırlatmış, Prezident İlham Əliyevin ulu öndər Heydər Əliyevin əmanət qoyduğu müstəqilliyimizin möhkəmləndirilməsi üçün gördüyü böyük işləri yüksək qiymətləndirmişlər.
Bölmənin digər xəbərləri
