Salyanda mənşəyi məlum olmayan 209 kiloqram heyvan cəmdəyi aşkarlanıb
Bakı, 7 may, AZƏRTAC
Qida Təhlükəsizliyi Agentliyi və Daxili İşlər Nazirliyinin əməkdaşları tərəfindən keçirilmiş birgə əməliyyat tədbiri zamanı Salyan rayonu ərazisində Biləsuvar rayon Bəydili kənd sakini Əzizli Seymur Teymur oğluna məxsus Mercedes E220 99-EN-804 dövlət qeydiyyat nişanlı avtomobilin yük yerinə baxış keçirilib.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, baxış zamanı avtomobilin yük yerində baytarlıq yoxlamasından keçməmiş və antisanitar şəraitdə daşınan, ümumi çəkisi 209 kiloqram iki baş mənşəyi məlum olmayan heyvan cəmdəyi aşkar edilib.
Heyvan cəmdəklərindən nümunələr götürülərək, ekspertizanın keçirilməsi üçün Qida Təhlükəsizliyi İnstitutunun müvafiq laboratoriyasına göndərilib. Faktla bağlı araşdırma davam etdirilir.
Agentlik vətəndaşları bu kimi hallarla bağlı diqqətli olmağa, şübhə doğuran heyvan mənşəli məhsullarla əlaqədar məlumatları olduqda aidiyyəti üzrə hüquq-mühafizə orqanlarına və agentliyin “1003-Çağrı Mərkəzi”nə məlumat verməyi çağırır.
Bölmənin digər xəbərləri
