“Şamaxı”nın yeni baş məşqçisi növbəti mövsüm üçün hədəfləri açıqlayıb
Bakı, 2 iyun, AZƏRTAC
Növbəti mövsüm üçün hədəfimiz Premyer Liqada yerimizi möhkəmləndirmək və yaxşı kollektiv formalaşdırmaqdır.
Bu sözləri AZƏRTAC-a açıqlamasında “Şamaxı” komandasının yeni baş məşqçisi Azər Bağırov deyib.
O, təyinatınadək 14 futbolçunun tərk etdiyi komandada bundan sonra da dəyişikliklərin olacağını bildirib: “Heyətə yeni futbolçular cəlb edəcəyik. Onların arasında gənc və perspektivli yerli oyunçular da olacaq. Düşünürəm ki, “Şamaxı”da ötən illərdəki kimi, yerli futbolçularla legionerlərin tandemini quracağıq. Yəni, həm klubumuza, həm də Azərbaycan futboluna xidmət edəcəyik”.
Qeyd edək ki, “Şamaxı” Azər Bağırovla 3 illik müqavilə imzalayıb.
Bölmənin digər xəbərləri
