Şanxay Əməkdaşlıq Təşkilatının nümayəndələri prezident seçkilərinə hazırlıq işləri barədə məlumatlandırılıblar
Bakı, 9 aprel, AZƏRTAC
Aprelin 9-da Şanxay Əməkdaşlıq Təşkilatının baş katibi Rəşid Alimovun rəhbərlik etdiyi nümayəndə heyəti Mərkəzi Seçki Komissiyasında olub.
AZƏRTAC xəbər verir ki, Rəşid Alimov seçkilərdə müşahidəçi qismində iştirak edəcək nümayəndə heyətinin tərkibi ilə bağlı məlumat verib. O bildirib ki, təmsil etdiyi nümayəndə heyətinin tərkibi bu sahədə peşəkarlardan ibarətdir. Onlar MDB ölkələrinin bir çoxunda seçkiləri müşahidə ediblər. Baş katib Şanxay Əməkdaşlıq Təşkilatının müşahidəçilərinin seçkilərin nəticələrinə obyektiv rəy verəcəklərini söyləyib.
Mərkəzi Seçki Komissiyasının sədri Məzahir Pənahov qonaqlara aprelin 11-də ölkəmizdə keçiriləcək prezident seçkilərinə hazırlıq işləri barədə məlumat verib, onların suallarını cavablandırıb.
Bölmənin digər xəbərləri
