SAPATERO: İSPANİYA ƏSGƏRLƏRİNİN İRAQDAN ÇIXARILMASI ZƏİFLİK ƏLAMƏTİ DEYİLDİ
O demişdir: “İspaniya hökuməti qoşunların İraqdan çıxarılması haqqında sərbəst, suveren və müstəqil qərar qəbul etmişdir. Bəzilərinin iddia etdikləri kimi, bunu zəiflik əlaməti saymaq olmaz, əksinə, bu qərar güclülük əlamətidir”.
Sapateronun sözlərinə görə, İspaniya qoşunlarını İraqdan çıxarmaq qərara alındı, çünki onları oraya göndərmək qətiyyən lazım deyildi. O, hazırda İraqda baş verənləri “qanunsuz və ədalətsiz müharibə” adlandırmışdır.
Baş nazir vurğulamışdır ki, “İraqda müharibənin uğursuzluğu bütün dünya birliyinə dərs olmalıdır”. O, terrorizmlə mübarizədə qanunçuluğu pozan “qabaqlayıcı müharibələr”i siyasi praktikadan çıxarmağa çağırmışdır.
Sapatero bəyan etmişdir ki, İspaniya terrorizmlə mübarizədə milli və beynəlxalq qanunçuluğu heç vaxt pozmayacaq, bu mübarizəni hüquqi dövlətin qanunları və BMT-nin nizamnaməsi çərçivəsində tam qətiyyətlə aparacaqdır.
Bölmənin digər xəbərləri
