Sarayevo dünyanın ən çirkli havasına malik şəhəridir
Sarayevo, 1 yanvar, AZƏRTAC
Bosniya və Herseqovinanın paytaxtı Sarayevo dünyada ən çox hava çirkliliyi olan şəhərlər sırasında birinci yerdədir.
AZƏRTAC xəbər verir ki, mərkəzi ofisi İsveçrədə yerləşən “IQAir” hava keyfiyyəti texnologiyası şirkətinin məlumatına görə, Sarayevo 2025-ci ilin ilk günündə dünyada ən yüksək hava çirkliliyinin ölçüldüyü şəhərdir. Belə ki, Sarayevoda havanın keyfiyyət indeksi 301 olaraq qeydə alınıb. Şəhər havanın keyfiyyət indeksinə görə təhlükəli və qeyri-sağlam olaraq təsnif edilib.
Mütəxəssislər Sarayevoda hava çirkliliyinin artmasını qış fəsli ilə əlaqələndirirlər. Qış aylarında ümumilikdə Qərbi Balkan regionu ölkələrində havanın çirklənməsinə köhnə model avtomobillərin işlənmiş qazları, aşağı kalorili yanacaq və sənaye müəssisələri səbəb olur.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
