SEÇKİ QANUNVERİCİLİYİNİN TƏTBİQİ MƏSƏLƏLƏRİNƏ HƏSR EDİLMİŞ SEMİNAR-MÜŞAVİRƏLƏR KEÇİRİLMİŞDİR
Azərbaycan Respublikası Ali Məhkəməsindən AZƏRTAC-a bildirmişlər ki, vətəndaşların konstitusiya və qanunlarda nəzərdə tutulmuş seçki hüquqlarının məhkəmə müdafiəsinin səmərəliliyini artırmaq məqsədi ilə aprelin 5-də Bakı, Sumqayıt, Gəncə, Əli Bayramlı və Şəki şəhərlərində regional apellyasiya məhkəmələrinin, həmin bölgələrin bütün hakimlərinin və prokurorlarının iştirakı ilə geniş seminar-müşavirələr keçirilmişdir.
Tədbirlərdə Ali Məhkəmənin təcrübəli hakimləri və Məhkəmə-Hüquq Şurası üzvlərinin “Seçki hüquqlarının müdafiəsi haqqında ərizələrin verilməsi və onlara baxılması qaydaları”, “Seçki qanunvericiliyinin pozulmasına görə cinayət məsuliyyəti” mövzusunda mühazirələri dinlənilmişdir.
Həmçinin tədbirlərdə seçki qanunvericiliyinin pozulmasına görə cinayət təqibi, habelə vətəndaşların seçki hüququnun etibarlı təmin edilməsi məsələləri ilə bağlı ətraflı müzakirələr keçirilmiş, iştirakçıları maraqlandıran suallar cavablandırılmışdır.
Bölmənin digər xəbərləri
