“SEÇKİ VƏ GENDER AMİLİ” MÖVZUSU MÜZAKİRƏ OLUNMUŞDUR
Ombudsman Elmira Süleymanova AMEA Fəlsəfə və Siyasi-Hüquqi Tədqiqatlar İnstitutunun fəlsəfənin yeni istiqamətləri və gender problemləri şöbəsi, Gender və İnsan Hüquqları Araşdırma Birliyinin təşəbbüsü ilə keçirilən seminarın gündəliyi haqqında ətraflı məlumat vermişdir. Müvəkkil mövzunun aktuallığından, yaxın vaxtlarda respublikamızda keçiriləcək bələdiyyə seçkilərində qadınların iştirakından, bələdiyyə ilə bağlı maariflənmənin vacibliyindən, vətəndaşların seçki hüququndan danışmış, ali və orta məktəblərdə genderlə bağlı fənlərin tədrisinin əhəmiyyətini vurğulamışdır.
Seminarda Milli Məclisin İnsan hüquqları daimi komissiyasının sədr müavini Rəbiyyət Aslanovanın “Seçki və qadın”, AMEA Fəlsəfənin yeni istiqamətləri və gender problemləri şöbəsinin müdiri, professor Əli Abbasovun “Azərbaycanda gender amili” mövzularında məruzələri dinlənilmişdir.
Tədbirdə çıxış edən digər nümayəndələr fəlsəfədə gender tədqiqatları mövzusu barədə məlumat vermişlər.
Seminarda mövzu ilə bağlı geniş müzakirələr olmuşdur.
Bölmənin digər xəbərləri
