Səfir: Türkmənistan və Azərbaycan arasında beynəlxalq təşkilatlar çərçivəsində əməkdaşlıq yaxşı bir ənənəyə çevrilib
Bakı, 10 oktyabr, AZƏRTAC
Türkmənistanın Prezidenti Sərdar Berdiməhəmmədov və Prezident İlham Əliyev tərəfindən ikitərəfli münasibətlərin gücləndirilməsinə göstərilən davamlı diqqət və qayğı bu münasibətlərin daha da dərinləşdirilməsi və ticarət-iqtisadi əlaqələrin inkişafı üçün əlavə təkan və stimul verir. Ölkələrimiz arasındakı münasibətlər siyasi, iqtisadi, enerji, nəqliyyat və logistika, eləcə də mədəni və humanitar sahələrdə davamlı şəkildə inkişaf edir.
AZƏRTAC xəbər verir ki, bu sözləri Türkmənistanın ölkəmizdəki səfiri Qurbanməmmet Elyasov Türkmənistanın Müstəqillik Günü münasibətilə Bakıda təşkil olunan rəsmi qəbulda söyləyib.
O qeyd edib ki, Türkmənistan və Azərbaycan üçün beynəlxalq təşkilatlar çərçivəsində əməkdaşlıq artıq yaxşı bir ənənəyə çevrilib. Hər iki ölkə beynəlxalq sahədə əməkdaşlıq çərçivəsində bir-birini dəstəkləməyə davam edir. Məsələn, Türkmənistan bu il Azərbaycan tərəfindən təşkil olunmuş İqtisadi Əməkdaşlıq Təşkilatının 17-ci Zirvə Görüşündə yüksək səviyyədə iştirak edib.
Bölmənin digər xəbərləri
