ŞƏHƏR VƏ RAYONLARDA “ƏMƏK YARMARKALARI” DAVAM EDİR
İdarədən AZƏRTAC-ın müxbirinə bildirmişlər ki, 1997-ci ildən bəri keçirilən “Əmək yarmarkaları” zamanı 31 mindən çox Azərbaycan vətəndaşı işə düzəlmiş, yüzlərlə adam ödənişli sosial işlərə cəlb olunmuş və ya ixtisasdəyişmə kursları keçmişdir.
Bu il 996 müəssisə və təşkilatın iştirakı ilə ölkəmizin 46 rayonunda keçirilmiş “Əmək yarmarkaları”nda 2198 adam iş tapmışdır. Eyni zamanda, 258 vətəndaş peşə hazırlığı kurslarına göndərilmişdir.
Avqust ayında Mingəçevir şəhərində, habelə Gədəbəy, Hacıqabul, Ucar, Şəmkir, Dəvəçi, Saatlı, Cəlilabad, Ağsu, Qəbələ, Yevlax və Kürdəmir rayonlarında təşkil olunmuş yarmarkalar sayəsində 700-dən çox adam işlə təmin edilmişdir.
Sentyabrın 24-25-də Bakıda keçiriləcək “Əmək yarmarkası”na indi ciddi hazırlıq görülür.
Bölmənin digər xəbərləri
