Şəhid anası Səlvi Ələkbərova: Azərbaycan xalqı Heydər Əliyevi heç zaman unutmayacaq
Bakı, 10 may, AZƏRTAC
Ulu öndər Heydər Əliyev xalqımız və dövlətimiz üçün çox böyük işlər görüb. Azərbaycan xalqı onu heç zaman unutmayacaq.
Bu fikirləri AZƏRTAC-a Ümummilli Liderin anadan olmasının 95-ci ildönümü münasibətilə Fəxri xiyabanda onun məzarını ziyarət edən şəhid anası Səlvi Ələkbərova bildirib.
Səlvi Ələkbərova deyib ki, Ümummilli Lider hər zaman şəhid ailələrinə diqqət və qayğı ilə yanaşırdı. Biz bu diqqət və qayğını həmişə hiss etmişik, bu gün də hiss edirik. Şəhid ailələri, eləcə də döyüşlərdə sağlamlıqlarını itirmiş hərbi qulluqçular dövlətin hərtərəfli qayğısı ilə əhatə olunublar. Vətənimizin müdafiəsi uğrunda canlarını qurban verənlər heç vaxt unudulmur. Bizim üçün yaradılan şəraitə görə Prezident İlham Əliyevə minnətdarlığımızı bildiririk.
Bölmənin digər xəbərləri
