ŞƏKİ-ZAQATALA BÖLGƏSİ RAYONLARINDA TAXIL BİÇİNİ BAŞA ÇATMAQ ÜZRƏDİR
Şəki-Zaqatala bölgəsi rayonlarında taxıl biçini kampaniyası müvəffəqiyyətlə başa çatmaq üzrədir. Son günlər yağan güclü leysan yağışları bu rayonlarda taxıl əkini sahələrinə xeyli ziyan vursa da, fermerlər məhsulu son dəninədək itkisiz toplamaq üçün bütün qüvvələri səfərbər etmişlər.
Şəki Ərazi Kənd Təsərrüfatı İdarəsindən AZƏRTAC-a bildirmişlər ki, mövsümün əvvəlindən indiyədək Şəki, Qax, Zaqatala, Oguz və Balakən rayonlarında ümumilikdə 80 min hektara yaxın taxıl sahəsinin məhsulu biçilmiş, 201 min tondan artıq taxıl istehsal olunmuşdur. Hər hektardan orta məhsuldarlıq 25,4 sentner təşkil edir. Tədarük olunmuş taxılın 122 min tonu buğda, 79 min tonu isə arpadır.
Bölgənin ən iri taxılçılıq rayonu olan Şəkidə indiyədək 55 min 460 hektar sahənin məhsulu biçilmiş, 140 min 868 ton taxıl istehsal olunmuşdur. Yığılmış məhsulun 91 min 716 tonunu buğda, 49 min 152 tonunu isə arpa təşkil edir. Mövsümün əvvəlindən indiyədək Qax rayonunda 19 min 105 ton, Zaqatalada 13 min 860, Balakəndə 1.014 ton, Oğuz rayonunda isə 26 min 340 ton taxıl tədarük edilmişdir.
Bölgə rayonlarında taxıl biçini kampaniyası davam edir.
Bölmənin digər xəbərləri
