ŞƏKİDƏ GƏNC SEÇİCİLƏR VƏ LİDERLƏR ÜÇÜN REGİONAL TƏLİM KURSLARI BAŞA ÇATMIŞDIR
AZƏRTAC xəbər verir ki, Azərbaycan Təfəkkür Gənclər Assosiasiyası (ATGA) ABŞ-ın German Marşall Fondunun proqramı çərçivəsində “Gənc seçicilərin seçki kampaniyasında bilik, fəaliyyət və rollarının təkmilləşdirilməsi” layihəsi çərçivəsində Şəkidə gənc seçicilər və liderlər üçün regional təlim kursları keçirmişdir.
ATGA-nın prezidenti Fəxrinur Hüseynli bildirmişdir ki, layihənin məqsədi qarşıdan gələn prezident seçkiləri zamanı gənc liderlərin, işçilərin və təlimçilərin, eləcə də bu siyasi kampaniyada ilk dəfə iştirak edəcək gənclərin maarifləndirilməsi və onların bu prosesdə iştirakının təmin olunmasıdır.
Şəki şəhər gənclər və idman idarəsinin təmsilçiləri və yerli QHT-lərin nümayəndələri kursların gənclərin prezident seçkilərində fəal iştirak etməsində mühüm rol oynayacağını vurğulamışlar.
Bölmənin digər xəbərləri
