Şəkidə “Yaşıla doğru” layihəsi çərçivəsində təlimlərə başlanılmışdır
Şəki, 11 sentyabr (AZƏRTAC). Azərbaycan Respublikası Gənclər Təşkilatları Milli Şurası Avropa İttifaqının dəstəyi ilə “Yaşıla doğru” layihəsinin icrasına başlamışdır.
AZƏRTAC xəbər verir ki, layihə çərçivəsində Şəki rayonunun Kiş kəndində təşkil olunmuş düşərgədə respublikamızın gənclər təşkilatlarının nümayəndələri ilə yanaşı, Ukrayna, Rumıniya, Çexiya, İspaniya, Moldova, Gürcüstan və Türkiyədən gəlmiş 40 gənc iştirak edir.
Bir həftə davam edəcək təlim kurslarında ekologiya ilə bağlı müxtəlif mövzular ətrafında müzakirələr aparacaqlar.
Qonaqlara Azərbaycanın tarixi və mədəniyyəti barədə ətraflı məlumat veriləcəkdir.
Təlim müddətində Şəkinin tarixi abidələrinə ekskursiyalar təşkil edəcəkdir.
Bölmənin digər xəbərləri
