Səkkiz ayda respublikada elektrik enerjisi istehsalı 0,8 faiz artıb
Bakı, 15 sentyabr, AZƏRTAC
Bu ilin yanvar-avqust ayları üzrə operativ məlumatlara əsasən ölkədə elektrik enerjisinin istehsalı ötən ilin müvafiq dövrü ilə müqayisədə 154,2 milyon kVt/saat, yəni 0,8 faiz artaraq 19 245,2 milyon kVt/saat olub.
Energetika Nazirliyindən AZƏRTAC-a bildirilib ki, səkkiz ay ərzində elektrik enerjisi istehsalı İES-lərdə 17 714,1 milyon kVt/saat, SES-lərdə 1 282,0 milyon kVt/saat, digər mənbələr üzrə isə 249,1 milyon kVt/saat təşkil edib. Bu dövrdə külək elektrik stansiyalarında 41,7 milyon kVt/saat, günəş elektrik stansiyalarında 46,9 milyon kVt/saat, Bərk Məişət Tullantılarının Yandırılması Zavodunda isə 160,5 milyon kVt/saat elektrik enerjisi istehsal edilib.
Bu dövrdə elektrik enerjisinin istehsalı “Azərenerji” ASC üzrə 17 328,1 milyon kVt/saat (İES-lərdə 16 132,0 milyon kVt/saat, SES-lərdə 1 196,1 milyon kVt/saat), Naxçıvan MR Dövlət Energetika Xidməti üzrə 330,2 milyon kVt/saat (İES-lərdə 211,7 milyon kVt/saat, SES-lərdə 75,6 milyon kVt/saat, Günəş ES-də 42,9 milyon kVt/saat), “Azərişıq” ASC üzrə külək elektrik stansiyalarında 32,2 milyon kVt/saat, müstəqil elektrik stansiyaları üzrə isə 1 554,7 milyon kVt/saat təşkil edib.
2023-cü ilin yanvar-avqust ayları üzrə elektrik enerjisinin ixracı 1 530,6 milyon kVt/saat, idxalı isə 169,3 milyon kVt/saat olub.
Qeyd edək ki, 2023-cü ilin avqust ayında respublika üzrə elektrik enerjisinin istehsalı 2 921,8 milyon kVt/saat olub. Elektrik enerjisinin idxalı 11,6 milyon kVt/saat, ixrac isə 253,5 milyon kVt/saat təşkil edib.
Bölmənin digər xəbərləri
