Şəmkir və Yenikənd su anbarlarına balıq körpələri buraxılıb
Bakı, 23 sentyabr, AZƏRTAC
Su hövzələrində balıq populyasiyasının artırılması, ekosistemin qorunması və su bioresurslarının bərpasına dəstək məqsədilə Şəmkir və Yenikənd su anbarlarına balıq körpələrinin buraxılışı həyata keçirilib.
Bioloji Müxtəlifliyin Qorunması Xidmətinin rəsmisi Arzu Səmədova AZƏRTAC-a bildirib ki, Ekologiya və Təbii Sərvətlər Nazirliyinin və Su Nəqliyyatında Polis İdarəsinin əməkdaşlarının birgə iştirakı ilə ümumilikdə 200 min çəkikimi balıq körpəsi Şəmkir və Yenikənd su anbarlarına buraxılıb.
Ölkədə balıq ehtiyatlarının artırılmasına töhfə vermək məqsədilə təbii su hövzələrinə balıq buraxılışı oktyabrın sonunadək davam edəcək.
Bölmənin digər xəbərləri
