SƏNGƏÇAL TERMİNALI İLƏ TANIŞLIQ
Bildirildi ki, 540 hektar sahəsi olan Səngəçal terminalı “Əsrin müqaviləsi” üzrə bütün layihələrin birləşdiyi sahədir. Dünyanın bu ən böyük neft terminalında hazırda 4 min nəfər çalışır, onların 80 faizi Azərbaycan vətəndaşlarıdır. İndi terminalda gündə 750 min barrel neft qəbul və emal edilir. Burada hər birinin tutumu 800 min barrel olan 3 çən inşa edilmiş, ən müasir emal obyektləri yaradılmış, Bakı-Tbilisi-Ceyhan boru kəmərinin baş nasos stansiyası istismara verilmişdir. Kəmərə indiyədək 6 milyon barrel neft vurulmuş, Xəzər nefti artıq Türkiyədəki 2-ci nasos stansiyasını keçmişdir.
Bu nəhəng obyektdəki ən müasir qurğular, işçilər üçün yaradılmış rahat şərait, boz dağların ətəyində salınmış yaşıllıqlar nümayəndə heyətində xoş təəssürat yaratdı.
Terminalla tanışlıq zamanı polşalı qonaqları maraqlandıran suallara da cavab verildi.
Bölmənin digər xəbərləri
