Serbiya və Bosniya Ukraynaya gizli silah tədarükünü davam etdirir
Bakı, 1 may, AZƏRTAC
Serbiya, həmçinin Bosniya və Herseqovinadan üçüncü ölkələr vasitəsilə Ukraynaya hərbi texnika və sursat göndərilir.
AZƏRTAC xəbər verir ki, TASS agentliyi bu barədə mənbələrinə istinadla məlumat yayıb. Məlumata görə, Serbiya, həmçinin Bosniya və Herseqovinanın müdafiə sənayesi müəssisələrində istehsal olunan hərbi məhsulların üçüncü ölkələr vasitəsilə Ukraynaya tədarükü davam edir.
İndiyədək Serbiyanın heç bir şirkəti təchizata görə cəzalandırılmayıb. “Görünür, onlar bu tədbirlərin tamamilə formal olduğu və bunun heç bir praktik nəticəyə səbəb olmayacağı qənaətinə gəliblər”, - deyə mənbə bildirib.
Bölmənin digər xəbərləri
