“ŞƏRQ ÇIRAĞI” UŞAQ YARADICILIQ MƏRKƏZİNİN YENİ TAMAŞASI
AZƏRTAC “Şərq çırağı” uşaq yaradıcılıq mərkəzinin mətbuat xidmətinə istinadla xəbər verir ki, burada dramaturq Konstantin Sergiyenkonun “Əlvida, yarğan” adlı pyesi əsasında eyniadlı tamaşa hazırlanmışdır.
İyunun 11-də Azərbaycan Dövlət Musiqili Komediya Teatrında premyerası nəzərdə tutulan yeni səhnə əsərində yiyəsiz itlərdən bəhs olunur. Balaca aktyorlar bu tamaşa ilə insanları heyvanlarla kobud rəftardan çəkindirməyə çalışacaqlar.
Onu da qeyd edək ki, “Şərq çırağı” bir neçə beynəlxalq festivalda ölkəmizi layiqincə təmsil edərək qalib olmuşdur.
Bölmənin digər xəbərləri
