“Şimal” Elektrik Stansiyasında texniki-iqtisadi göstəricilər qənaətbəxşdir
Bakı, 18 noyabr (AZƏRTAC). Abşeron yarımadasında generasiya güclərindən önəmlisi olan “Şimal” elektrik stansiyasının (EC) kollektivi cari ilin 10 ayını uğurlu istehsalat göstəriciləri ilə başa vurmuşlar.
“Azərenerji” ASC-nin mətbuat xidmətindən AZƏRTAC-a bildirmişlər ki, cari ilin oktyabr ayında 184,1 milyon kilovat-saat elektrik enerjisi istehsal edilmişdir. Qeyd edək ki, cari ilin 10 ayı ərzində isə burada 1 milyard 515,2 milyon kilovat-saat elektrik enerjisi istehsal edilmişdir.
“Şimal” ES-in İnkişaf Proqramı Azərbaycan Respublikasının rəhbərliyi tərəfindən bu gün də müvəffəqiyyətlə davam etdirilir. Artıq Yaponiyanın “Toyo Engineering” şirkəti ilə bağlanmış müqavilə əsasında müəssisədə sayca ikinci 409 meqavoltluq enerji blokunun tikintisinə rəvac verilmişdir. Hazırda enerji blokunun tikintisi qrafikə uyğun davam etdirilir.
Bölmənin digər xəbərləri
