SİQARETDƏN DƏRHAL İMTİNA ETMƏK DAHA YAXŞIDIR
Tədqiqatda siqareti azı bir dəfə tərgitmək istəyən 918 nəfər, habelə nikotin asılılığından artıq canını qurtaran 996 nəfər iştirak etmişdir. Məlum olmuşdur ki, bu cəhdlərin, əslində, yarısı qəfil baş vermişdir.
London Universiteti kollecinin tibbi psixologiya professoru Robert Vest iddia edir ki, bu nəticələr “fəlakətlər nəzəriyyəsi” ilə izah olunur. Bu riyazi nəzəriyyəyə görə, sistemdə gərginlik toplanıbsa, istənilən əhəmiyyətsiz hadisə fəlakətlə nəticələnər. O demişdir: “Biz təxmin edirik ki, inam, keçmiş təcrübə və hazırkı vəziyyət gərginliyin müxtəlif səviyyəli səbəblərini doğurur və bu səbəblər nəticəsində hətta kiçik əngəl adamın siqareti tərgitməsinə səbəb olur.
Professor xəbərdarlıq edir ki, bu nəticələr həmin vərdişdən imtina etməyi planlaşdırmamaq demək deyildir. Lakin nəticələr bu pis vərdişi tərgitmək istəyənin narahatlığını müəyyən mənada anlamağa kömək edir. Çünki öz vərdişindən narazılıq müəyyən gərginlik doğurur.
Professorun dediyinə görə, Böyük Britaniyada belə gərginlik siqaret çəkməyi məhdudlaşdıran qanunvericilik, qiymətlərin artması və tütünün sağlamlıq üçün təhlükəli olması barədə xəbərdarlıqlar hesabına yaranır. Buna baxmayaraq, zərərli vərdişi tərgitməyə çalışan siqaret çəkənə bunu dərhal etməyə çağıran tütün əleyhinə qısa reklam çarxları ilə təsir göstərmək lazımdır.
Bölmənin digər xəbərləri
