“Sivasspor” klubu Ekvador yığmasının hücumçusunu heyətinə qatıb
Bakı, 30 yanvar, AZƏRTAC
Türkiyənin “Sivasspor” klubu Ekvador yığmasının hücumçusu Xordi Kaysedonu heyətinə qatıb.
AZƏRTAC xəbər verir ki, bu barədə Türkiyə klubunun rəsmi saytı məlumat yayıb.
İyirmi beş yaşlı forvard Meksikanın “Tiqres UANL” klubundan mövsümün sonunadək icarəyə götürülüb.
Kaysedo Meksika təmsilçisində 16 oyuna 1 qol vurub.
Daha əvvəl “Universidad Katolika”, “El Nasional” və “Vitoriya” kimi klublarda da forma geyinmiş futbolçu Ekvador millisində 10 oyun keçirib, 2 qola imza atıb.
Bölmənin digər xəbərləri
