Son gündə Özbəkistanda koronavirusa 725 nəfər yoluxub
Daşkənd, 11 avqust, АZƏRTAC
Son günlər Özbəkistanda COVID-19 koronavirusuna yoluxanların sayı artmaqda davam edir. Belə ki, son sutkada virusa 725 nəfər yoluxub və yoluxanların ümumi sayı 31 min 545 nəfərə çatıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son 24 saat ərzində virusdan 8 nəfər ölüb və vəfat edənlərin sayı 200-ə çatıb.
Bildirilir ki, xəstəxanalarda 8 min 351 pasiyent var, onların 136-nın vəziyyəti ağır, 387-nin isə çox ağırdır.
Xatırladırıq ki, avqustun 15-dək ölkədə karantin rejimi qüvvədədir.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
