SON İKİ İLDƏ ASTARADA 12 YENİ MƏKTƏB BİNASI TİKİLMİŞDİR
AZƏRTAC xəbər verir ki, regionların sosial-iqtisadi inkişafı Dövlət Proqramında Astara rayonunda təhsil sistemini daha da yaxşılaşdırmaq və onun maddi-texniki bazasını möhkəmləndirmək sahəsində nəzərdə tutulan tədbirlərin icrası tam təmin edilmişdir.
Təkcə son iki ildə rayonda 12 yeni məktəb binası tikilərək istifadəyə verilmiş, 5 təhsil ocağının tikintisi isə davam etdirilir.
Astarada yeni məktəb binalarının tikintisi və onları avadanlıqla təmin etmək məqsədi ilə dövlət büdcəsindən 11 milyon manata yaxın vəsait ayrılmışdır.
2008-ci ildə dövlət vəsaiti hesabına Səncərədi kənd orta məktəbi üçün 360, Marzəsəd kənd əsas məktəbi üçün 180, Pensər kənd 2 nömrəli orta məktəbi üçün 480, Pəlikəş kənd orta məktəbi üçün 300, Heydər Əliyev Fondunun təşəbbüsü ilə şəhər 4 nömrəli orta məktəbi üçün 400 şagird yeri olan yeni binalar tikilir.
Tikintisi davam etdirilən məktəb binalarının yeni tədris ilində istifadəyə verilməsi nəzərdə tutlmuşdur.
Bölmənin digər xəbərləri
