Şotlandiyada parlament seçkiləri keçirilir
London, 6 may, AZƏRTAC
Mayın 6-da Şotlandiyada parlament seçkiləri keçirilir.
AZƏRTAC xəbər verir ki, seçkilərdə Şotlandiya Milli Partiyası, Mühafizəkarlar Partiyası, Liberal Demokratlar Partiyası və Yaşıllar Partiyası iştirak edir.
Yerli vaxtla saat 7:00-da başlayan seçki saat 22:00-da başa çatacaq.
Ölkəyə yağan güclü qar insanların seçki məntəqələrinə getmələrinə maneə yaradıb. Bir çox vətəndaş isə poçt vasitəsilə səs vermək üçün qeydiyyatdan keçib. Koronavirus səbəbindən səslər bir gün sonra sayılacaq. Seçkilərin nəticələrinin isə mayın 8-də açıqlanması nəzərdə tutulur.
Ekspertlər seçkiləri Britaniyanın gələcəyi üçün həlledici hesab edirlər. Çünki nəticə Şotlandiyanın müstəqilliyi ilə bağlı ikinci referendumun keçirilib-keçirilməməsinə təsir göstərəcək.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
