SOYQIRIMI QURBANLARININ XATİRƏSİ TÜRKİYƏDƏ, BƏƏ-DƏ VƏ ORTA ASİYADA DA ANILACAQDIR
Xarici Ölkələrdə Yaşayan Azərbaycanlılarla İş üzrə Dövlət Komitəsindən AZƏRTAC-a bildirmişlər ki, martın 31-də Ankarada Azərbaycan Kültür və Dayanışma Dərnəyi tərəfindən soyqırımı qurbanlarının xatirəsini anma mərasimi keçiriləcəkdir. Tədbirdə Türkiyə paytaxtında yaşayan soydaşlarımız, orada təhsil alan tələbələrimiz və ictimaiyyət nümayəndələri iştirak edəcəklər. Həmin gün Adana şəhərində Azərbaycan Kültür və Dayanışma Dərnəyi tərəfindən 31 mart - Azərbaycanlıların soyqrımı günü ilə əlaqədar aksiya keçiriləcəkdir.
31 mart - Azərbaycanlıların soyqrımı günü ilə əlaqədar Birləşmiş Ərəb Əmirliklərində və Orta Asiya Respublikalarında da bir sıra tədbirlər, elmi-praktik konfranslar və etiraz aksiyaları təşkil olunacaqdır.
Bölmənin digər xəbərləri
