Sumqayıt Dövlət Dram Teatrı fevral ayının virtual repertuarını təqdim edib
Sumqayıt, 2 fevral, Ətrabə Rzayeva, AZƏRTAC
Sumqayıt Dövlət Dram Teatrı COVID-19 pandemiyası ilə əlaqədar fəaliyyətini onlayn davam etdirməkdədir. Hər ayın repertuar planında yaş kateqoriyaları nəzərə alınır. Teatr həftəsonu saat 12:00-da kiçikləri, 18:00-da böyükləri monitor qarşısına dəvət edir. Teatrsevərlər repertuarda Azərbaycan və dünya ədəbiyyatından nümunələri izləyə biləcəklər.
AZƏRTAC xəbər verir ki, teatrın 2021-ci ilin fevral repertuarına aşağıdakı tamaşalar daxildir:
6 fevral - Georgi Xudayevin “Bir köpək vardır” və Turqut Ozakmanın “Ocaq”;
7 fevral - Reyhard Kuprinin “Öz xoşuna yaşayan pişik” və M.F.Axundzadənin “Müsyo Jordan və dərviş Məstəli şah”;
13 fevral - Abdulla Şaiqin “Tülkü həccə gedir” və Əli Əmirlinin “20 ildən sonra”;
14 fevral - Mark Tvenin “Şahzadə və dilənçi” və Con Qolsuolsinin “Birincilər və sonuncular”;
20 fevral - “Ələddinin sehrli çırağı” və Mirzağa Atəşin “Şərəfin sandığı”;
21 fevral - Kərim Həsənovun “Sehrli yaylıq” və Əli Əmirlinin “Varlı qadın”;
26 fevral - Akif Həsənoğlunun “Yanmış evin nağılı”;
27 fevral - “Məlikməmməd” və Tamara Vəliyevanın “Mənim ağ göyərçinim”;
28 fevral - Yusif Əzimzadənin “Nəsrəddin” və Əli Əmirlinin “Sevgilim Sumqayıt”.
Bölmənin digər xəbərləri
