SUMQAYITDA SƏYYAR AMBULATORİYALAR FƏALİYYƏT GÖSTƏRİR
Təcrübəli həkimlərdən və tibb bacılarından ibarət xüsusi briqadalar ayda bir dəfə ucqar və əhalinin sıx yaşadığı massivlərdə pulsuz tibbi xidmət göstərirlər. Əhalinin aztəminatlı təbəqələrinə, habelə qaçqınlara və məcburi köçkünlərə xüsusi diqqət yetirilir. Səyyar ambulatoriyalarda rentgen kabineti, mobil flüoroqraf var, xəstələri 14 ixtisaslı həkim müayinə edərək, məsləhətlər verir. Vəziyyəti daha gərgin olanlar xəstəxanaya aparılır.
Şəhər səhiyyə şöbəsinin müdiri Rauf Sadıqov AZƏRTAC-ın müxbirinə bildirmişdir ki, əhalinin güzəştli təbəqələrini birləşdirən ictimai təşkilatlarla ayrılıqda ciddi iş aparılır. Hazırda müxtəlif qrup əlillərə tibbi xidmət göstərilməsində ciddi problemlər yoxdur. Bu qəbildən olan şəxslərə indiyədək 214 adda 38 min manatlıq tibb preparatları sərf olunmuşdur.
Bölmənin digər xəbərləri
