Suraxanı rayonunda səsvermə prosesinin şəffaf keçirilməsi üçün lazımi şərait yaradılıb
Bakı, 1 noyabr, Elvira Məmmədova, AZƏRTAC
Bakının Suraxanı rayonunda seçicilərin səsverməsi üçün məntəqələr tam tərkibdə və vaxtında fəaliyyətə başlayıb, məntəqələr işini uğurla davam etdirir.
AZƏRTAC xəbər verir ki, 31 saylı Suraxanı ikinci seçki dairəsi dairə seçki komissiyasının sədri İlham Bayramov məlumat verib ki, dairənin ərazisində 32 məntəqə fəaliyyət göstərir. Bunlardan 10-da şəffaflığı təmin etmək üçün veb-kamera quraşdırılıb. Bu dairədə 7 namizəd deputat mandatı uğrunda mübarizə aparır. Dairədə 39 min 56 seçici vardır. Səsvermənin gedişini izləmək məqsədi ilə dairə seçki komissiyasında 523 müşahidəçi qeydiyyatdan keçib.
32 saylı Suraxanı üçüncü seçki dairəsi dairə seçki komissiyasının sədri Qasım Rzayev bildirib ki, dairədə yaradılmış 31 məntəqədən 1-i müvəqqəti əsaslarla fəaliyyət göstərir və bunlardan 10-da veb-kamera quraşdırılıb. Dairə üzrə 39 min seçici 8 namizədə münasibət bildirir.
Səsvermə prosesinin şəffaf keçirilməsi üçün seçki məntəqələrində lazımi şərait yaradılıb.
Bölmənin digər xəbərləri
