Suriya XİN: ABŞ ilə münasibətləri inkişaf etdirməyə hazırıq
Qahirə, 2 yanvar, AZƏRTAC
Suriyanın Keçid Hökumətində xarici işlər naziri Əsəd Şeybani ölkəsinin beynəlxalq tərəflərlə dialoq qurmağa açıq və hazır olduğunu bildirib.
AZƏRTAC Qətər İnformasiya Agentliyinə istinadla xəbər verir ki, Şeybani dünən verdiyi bəyanatında ölkəsinin ABŞ ilə münasibətləri inkişaf etdirməyə hazır olduğunu, lakin bunun ABŞ tərəfindən asılı olduğunu söyləyib. Əlavə edib ki, Vaşinqtonla münasibətlər Suriya xalqının maraqları əsasında qurulacaq. Keçid Hökumətinin xarici işlər naziri ABŞ ilə münasibətlərin "həlledici" olacağını vurğulayıb. Şeybani Suriya üzərindəki sanksiyaların qaldırılmasının vacibliyini bildirib.
Qeyd edilməlidir ki, bu gün Şeybani ilk xarici səfərini Səudiyyə Ərəbistanına edib. Səfər Səudiyyə Ərəbistanının xarici işlər nazirinin dəvəti əsasında baş tutub.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
