Sürücünü bıçaqla hədələyərək pulunu alıblar
Bakı, 26 aprel, AZƏRTAC
Nizami rayonunda sürücünü bıçaqla hədələyərək pulunu alıblar.
Daxili İşlər Nazirliyinin mətbuat xidmətindən AZƏRTAC-a bildiriblər ki, aprelin 25-də saat 2 radələrində Nizami rayonu ərazisində “BYD” markalı avtomobildə olan 2 sərnişinin sürücünü bıçaqla hədələyib 550 manatını quldurluq yolu ilə talamaları barədə polisə məlumat daxil olub.
Quldurluq əməlində şübhəli bilinən əvvəllər məhkum olunmuş şəxslər - Masallı rayon sakini Renat Şahbazov və Bakı şəhər sakini Elbrus Ələkbərov Nizami Rayon Polis İdarəsinin 24-cü Polis Şöbəsi əməkdaşlarının keçirdikləri əməliyyat tədbiri nəticəsində müəyyən olunaraq saxlanılıblar.
Nizami Rayon Polis İdarəsində araşdırma aparılır.
Bölmənin digər xəbərləri
