TACİKİSTANLA ƏFQANISTAN ARASINDA “DOSTLUQ KÖRPÜSÜ” SALINIR
Tacikistan –Əfqanıstan sərhədində - Pənc çayı üzərində körpü salınması barədə Tacikistanla ABŞ arasında saziş imzalanmışdır. Tacikistan Xarici İşlər Nazirliyinin informasiya departamentindən AZƏRTAC-ın müxbirinə bildirmişlər ki, sənədi Tacikistanın nəqliyyat naziri Abducəlal Səlimov və ABŞ-ın Tacikistandakı səfiri Riçard Xouqlend imzalamışlar. Departamentin sədri İqor Səttarov qeyd etmişdir ki, Tacikistan tərəfi “Dostluq körpüsü”nün tikintisinə böyük əhəmiyyət verir. Bu körpü Tacikistanla Əfqanıstanı birləşdirməklə yanaşı, həm də iki qonşu dövlət arasında fəal əməkdaşlığı təmin edəcəkdir.
ABŞ hökuməti körpünün tikintisinə 12 milyon dollar vəsait ayırmışdır. Uzunluğu 600 metrdən çox olacaq “nəqliyyat dəhlizi” Aşağı Pənc qəsəbəsində tikiləcəkdir.
Bölmənin digər xəbərləri
