Tanınmış şairə və tərcüməçi Nadejda Paina vəfat edib
Moskva, 27 mart, AZƏRTAC
Tanınmış şairə və tərcüməçi Nadejda Paina vəfat edib.
AZƏRTAC xəbər verir ki, Rusiyanın Azərbaycan icmasının başçısı, akademik Fazil Qurbanov Nadejda Painanın doğmalarına və yaxınlarına Rusiyanın Azərbaycan diasporu adından və şəxsən öz adından dərin hüznlə başsağlığı verib. Məktubda bildirilir ki, N.Paina Azərbaycan poeziyasının təbliğinə böyük töhfə verib. Onun əsərlərindən ibarət toplular Rusiyadakı Azərbaycan diasporunun dəstəyi ilə müntəzəm çap edilib.
Məktubda deyilir: “Nadejda Moiseyevna Rusiyada yaradıcı Azərbaycan ziyalılarının çoxsaylı ədəbi gecələrinin və digər tədbirlərin tez-tez qonağı olub. Azərbaycan və rus mədəniyyətlərinin və dillərinin özəllikləri lap gənc yaşlarından onun qanına hopub. Nadejda Moiseyevnanın dərindən bildiyi Azərbaycan tarixinə, mədəniyyətinə, poeziyasına böyük məhəbbəti də elə buradan qaynaqlanır”.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
