Tanınmış yazıçının yeni romanı - “Yenə iki od arasında”
Bakı, 27 noyabr, AZƏRTAC
Tanınmış yazıçı Elçin Hüseynbəylinin “Qələm” nəşriyyatında nəfis şəkildə çap olunun romanı “Yenə iki od arasında” adlanır. Yazıçı bu əsərini Yusif Vəzir Çəmənzəminlinin xatirəsinə ithaf edib.
Elçin Hüseynbəyli AZƏRTAC-a bildirib ki, roman Qarabağ tarixinə, Yusif Vəzir Çəmənzəminlinin kəşməkəşli həyatına həsr olunub.
Əsər Azərbaycan oxucuları, xüsusən də gəncliyi üçün Qarabağ dərdimizi anladan dəyərli bir mənbədir. Kitaba “Ön söz”ü Xalq Yazıçısı Anar, “Son söz”ü isə akademik Nizami Cəfərov yazıb.
Romanın paytaxtla yanaşı, bir çox bölgələrdə təqdimatının keçirilməsi nəzərdə tutulur.
İlk təqdimat noyabrın 29-da Sumqayıtda Əli Kərim adına Poeziya Evində keçiriləcək.
Bölmənin digər xəbərləri
