TARİX DƏRSLİKLƏRİ VƏ PROQRAMLARI PARLAMENTDƏ TƏSDİQ EDİLMƏLİDİR
Milli Məclisin regional məsələlər daimi komissiyasının sədri professor Zahid Qaralov parlamentin iclasındakı çıxışında tarix dərsliklərinin və proqramlarının Milli Məclisdə təsdiq olunmasını təklif etmişdir. Onun fikrincə, orta və ali məktəblərdə bu mühüm fənni daha mükəmməl dərsliklər əsasında tədris etmək lazımdır.
Komissiyasının sədri Zahid Qaralov və deputat, professor Yaqub Mahmudov nəşriyyat sahəsində yaranmış ağır vəziyyətdən danışaraq dedilər ki, keyfiyyətsiz çap məhsulu buraxan nəşriyyatlar sonradan yeni dövlət sifarişləri alırlar. Onların fikrincə, “Nəşriyyat işi haqqında” Qanunun 3-cü maddəsində özəl nəşriyyatların da dərsliklər çap etmək üçün sifarişlər almasına imkan yaratmaq məqsədilə ixtisaslaşdırılmış nəşriyyatlar arasında qapalı müsabiqələr keçirilməsini nəzərdə tutan dəyişiklik etmək lazımdır.
Milli Məclisin dekabrın 6-da keçirilmiş iclasında deputatlar həmin maddədə dəyişiklik edərək, ixtisaslaşdırılmış və özəl nəşriyyatlar arasında fərqi aradan qaldırdılar.
Bölmənin digər xəbərləri
