Tarix Muzeyində eramızdan əvvəl X-IX əsrlərə aid gil küpə qorunur
Bakı, 23 noyabr, AZƏRTAC
Milli Azərbaycan Tarixi Muzeyinin Arxeologiya fondunda Ağcabədidən tapılmış eramızdan əvvəl X-IX əsrlərə aid gil küpə saxlanılır.
Muzeydən AZƏRTAC-a bildirilib ki, küpə yaxşı bişirilmiş və gili tünd boz rəng alıb. Qabın ağzı boğazdan yuxarı kənara doğru enlənir, gövdəsi isə konusvarı formaya malikdir. Gövdənin çiyin hissəsində üfüqi trapesşəkilli iki qulp yapılıb, qulpların mərkəzində isə dəlik açılıb. Gövdə bir-birinə paralel maili cızıq xətlərlə bəzədilib, oturacağı düzdür. Küpənin xarici səthi cilalıdır, saxlanma vəziyyətinə görə qismən tam olsa da, qulplarının bəzi yerləri sınıb.
Muzeydə qorunan bu küpə arxeologiya tariximizin tədqiqi baxımından əhəmiyyətlidir.
Bölmənin digər xəbərləri
